Самюэль Адэоіба

Самюэль Адэоіба
Нарадзіўся	28 верасня 1993(1993-09-28) (31 год) Лагас, штат Лагас[d], Нігерыя
Грамадзянства	Нігерыя
Рост	188 см
Вага	82 кг
Пазіцыя	абаронца, паўабаронца
Інфармацыя пра клуб
Клуб	Хегельман
Клубная кар’ера
2016—2017 Крумкачы (Мінск) 2 (0) 2017 Нафтан (Наваполацк) 15 (2) 2018 Граніт (Мікашэвічы) 28 (1) 2019—2020 Белшына (Бабруйск) 56 (1) 2021 Тарпеда-БелАЗ (Жодзіна) 10 (0) 2022— Хегельман (Каўнас)

Самюэль Адэоіба (нар. 28 верасня 1993) — нігерыйскі футбаліст, абаронца літоўскага клуба «Хегельман» з Каўнаса.

Кар’ера

У 2012 годзе прыехаў у Беларусь, каб гуляць у футбол. Стаў працаваць у Беларусі і вучыцца ва ўніверсітэце, паралельна трэніруючыся, некаторы час падрымліваў форму з камандай «Смалявічы-СТІ».

З 2016 года стаў выступаць за дубль футбольнага клуба «Крумкачы». У пачатку 2017 года стаў трэніравацца з асноўнай камандай сталічнага клуба, у лютым падоўжыў кантракт з «Крумкачамі» на два гады. Дэбютаваў у Вышэйшай лізе 2 красавіка 2017 года ў матчы першага тура супраць «Віцебска» (1:0), выйшаўшы на замену ў другім тайме. У далейшым працягваў выступаць у асноўным за дубль.

У ліпені 2017 года разарваў кантракт з «Крумкачамі» і неўзабаве далучыўся да наваполацкага «Нафтана», дзе замацаваўся ў асноўным складзе. У студзені 2018 года перайшоў у мікашэвіцкі «Граніт».

Са студзеня 2019 года знаходзіўся на праглядзе ў бабруйскай «Белшыне» і ў сакавіку стаў іграком клуба. Дапамог камандзе перамагчы ў Першай лізе. У сезоне 2020 быў асноўным абаронцам бабруйчан у Вышэйшай лізе, але не здолеў выратаваць «Белшыну» ад вылету. У снежні 2020 года пакінуў бабруйскі клуб.

У студзені 2021 года стаў трэніравацца з жодзінскім «Тарпеда-БелАЗ» і неўзабаве падпісаў кантракт. Не меў трывалага месца ў складзе, нярэдка заставаўся на лаўцы запасных. У снежні 2021 года па заканчэнні кантракта пакінуў жодзінскі клуб.

У лютым 2022 года стаў іграком літоўскага клуба «Хегельман».

Дасягненні

• Пераможца Першай лігі чэмпіянату Беларусі: 2019